Retschertga da l'Institut per turissem e temp liber da la Scola auta spezialisada dal Grischun davart purtaders da prestaziuns da la medischina e dal turissem medicinal en il chantun Grischun

L'onn 2019 ha l'Institut per turissem e temp liber da la Scola auta spezialisada dal Grischun FHGR survegnì l'incumbensa da relevar datas davart las purschidas per il turissem da sanadad da purtaders da prestaziuns d'impurtanza centrala en il sectur dal turissem da sanadad per il Grischun.

Ins ha relevà datas davart hotels ed ulteriuras interpresas dal sectur turistic che giogan ina rolla en connex cun il turissem da sanadad en las regiuns respectivas. Las purschidas da questas interpresas duain pledentar giasts medicinals, dentant betg la gruppa en mira SPA & Vitality.

Las datas èn vegnidas relevadas dal matg fin l'avust 2019 e mussan la situaziun mumentana da questa perioda.